Channel 3 Tapas Bar & Restaurant

首先，當日限聚令依然只係4人一枱
唔知點解後面個枱客可以坐6個人
中間係無膠板隔住

然後，廚房既職員係拉低口罩煮食/調酒
嘩 衛生意識簡直係零
口罩唔係掛係耳仔就代表戴左囉
(因為係open kitchen所以睇得一清兩楚)

再者，明明無人等位 亦無講明限時用餐
大約9點幾左右 岩岩執完枱
一斟完酒就問‘要唔要叫多杯酒?’
我地話’唔洗住’ 佢就話’咁不如埋左張單先?’
我同朋友4個都未飲完杯酒架 就急住叫我地埋單
都唔知話佢有效率好定係趕客
喂大佬 你呢間係bar & restaurant
唔係俾人飲酒吹水架咩?
唔坐得耐就一早講限時用餐
又無人等位 又唔俾人坐多陣吹下水
真搞笑🙂

最後，食物就中規中矩喇 大把餐廳比佢好食
諗唔明點解有咁多好評😂
但咁既服務質素真係請我都唔會再黎
不可一不可再！各位請三思！