影片
更多
2009-09-12
17 瀏覽
昨晚跟一大班舊同事食完飯諗住去呢度食下糖水吹下水，點知換來一肚氣，實在不吐不快。惡夢由一客雜果芒果布甸開始。此客東西說是布甸，然而形似神不似...師傅做的時候落唔夠魚膠粉，又散又軟，一踫就碎，似在吃大x樂的早餐炒滑蛋多一點。芒果又唔新鮮，伴碟既士多啤利酸到死...都算了，怪當日生果唔靚，唔係個個都咁甜嘛。好，味道算了，點知食食下發現多左位食客。一隻黃絲蟻在同我地分甘同味！當然我地立即叫待應生換過份，佢地都識做即刻換，以為食物唔掂，服務搭救啦，原來我地估錯晒！話說我一早飲完自己杯芒果奶，拿空著的杯子跟朋友們吹水。點知有待應生走埋黎，好唔耐煩咁同我講左句 "飲完都唔捨得放手！搞咩呀？"，我呆左，佢已經硬搶左我手中的杯子。即係咁，待應生收走飲完食完既野正常過正常，但係駛唔駛咁無禮貌先？你想趕客都唔駛咁樣對客呀？況且，我d朋友都未食晒野...過左一陣，同一個待應又走埋黎，裝作抹枱，原來佢係想拉走一張枱再開多幾個位畀其他客。其實佢出一聲叫我地讓張枱出黎，我地真係無所謂，點解要搶走張枱呢？好唔禮貌呀！強烈建議佢地要上返d顧客服務既courses增值增值。講真呢個價錢，我大把有得揀，好過佢既大有店在
惡夢由一客雜果芒果布甸開始。此客東西說是布甸，然而形似神不似...師傅做的時候落唔夠魚膠粉，又散又軟，一踫就碎，似在吃大x樂的早餐炒滑蛋多一點。芒果又唔新鮮，伴碟既士多啤利酸到死...都算了，怪當日生果唔靚，唔係個個都咁甜嘛。
好，味道算了，點知食食下發現多左位食客。一隻黃絲蟻在同我地分甘同味！當然我地立即叫待應生換過份，佢地都識做即刻換，以為食物唔掂，服務搭救啦，原來我地估錯晒！
話說我一早飲完自己杯芒果奶，拿空著的杯子跟朋友們吹水。點知有待應生走埋黎，好唔耐煩咁同我講左句 "飲完都唔捨得放手！搞咩呀？"，我呆左，佢已經硬搶左我手中的杯子。
即係咁，待應生收走飲完食完既野正常過正常，但係駛唔駛咁無禮貌先？你想趕客都唔駛咁樣對客呀？況且，我d朋友都未食晒野...
過左一陣，同一個待應又走埋黎，裝作抹枱，原來佢係想拉走一張枱再開多幾個位畀其他客。其實佢出一聲叫我地讓張枱出黎，我地真係無所謂，點解要搶走張枱呢？好唔禮貌呀！
強烈建議佢地要上返d顧客服務既courses增值增值。
講真呢個價錢，我大把有得揀，好過佢既大有店在，下次真係無必要食到成肚氣！！
昨天本是朋友間難得的聚會，可惜就因為這間店影響晒大家既心情...好無奈。無論如何我同朋友以後都唔會再來呢間野食糖水！
張貼