大羊腩煲($398)
係我印象中羊肉都係一陣酥味，所以對食羊肉無乜好感，但呢個羊腩煲又無呢陣酥味、羊肉幾淋，幾好食。
西蘭花炒帶子($188)
西蘭花整得爽口唔淋，帶子大大粒，唔錯。
沙拉蝦球($158)
凡係用沙津醬整既野食都會加分，沙拉骨食得多，呢個沙拉蝦球真係第一次食，一口食曬，唔使整到成口沙津醬，正！
明記荔枝骨($108)
聽講係用荔枝汁整既，但食唔到荔枝味，似係平時食既咕嚕肉，味道都ok。
滷水拼盤(消費滿$300送)
因為太肚餓既關係，有幾個菜未影到相已經比人夾曬咁濟，其中有個蠔仔肉碎粥都係好出色，值得推介。但個人覺得呢間打冷都幾貴，百幾蚊一個菜，自己平時食開都好少過百一個菜，唔算抵食。
