生生。泰港知味 (已結業)

周末最愛吃個豐富午餐，然後閒逛一番，晚餐可以隨意的邊行邊找~ 每次去灣仔老公總愛去有玩具街睇車仔，今次都不例外，行完成條太源街喺街角就見到呢間新開既泰國菜。落地玻璃面對著法定古蹟-舊灣仔郵局，特別有feel仲可以邊食邊等天黑呢個時候飲一啖新鮮冰凍椰青，簡直涼透心~清甜既感覺係樽裝椰青水搵唔到既!本來老公想飲咖啡，不過問過唔係泰式，最後點左泰式奶茶，都唔錯，茶奶比較適中~再睇吓餐牌，2人套餐都唔錯，仲有素菜配搭，幾細心。不過老公話散點比較合心意。泰國柚子鮮蝦沙律 秘製既沙律汁酸酸地令人開胃，一舊舊既柚子肉更富口感，鮮蝦彈牙~炸蝦餅 蝦膠啖啖鮮味，唔會有粉既感覺，香脆可口~食到呢度...我地先醒起三碟都蝦，叫既時候都無留意再黎有紅咖哩椰汁炒蝦球， 多種咖哩中我比較中意紅咖哩,無咁辣之餘仲有果香，配合埋椰奶又香又滑而蝦夾埋檸檬葉絲一齊食更加係惹味中帶一絲清香泰式菠蘿雞肉炒飯 炒飯有好香既黃薑味，加埋雞肉、鮮菠蘿，令9成飽既我又可以多放兩碗飯落肚後黎先知道，原來呢間係社企餐廳，目的係為弱勢社群提供工作機會。我覺得好有意義，自己吃得飽之餘，身邊每個人都可以改善生活!!