影片
更多
2010-06-27
27 瀏覽
香港不少市政大樓（街市）入面既食肆都好強，好似跑馬地既昌道泰記銖記，渣華道既東寶……而電氣道呢度入面既印度咖哩都實在不賴。搬來這區不久後，跟屋企人在街市另一大排檔晚飯，見到隔離呢檔野，當時覺得好奇怪，因為成晚佢地幾乎一個客都冇，但隱隱覺得行行企企既那位印巴叔叔有種“敬業樂業”既感覺，啊…也許用詞不當，但我直覺他是用心經營而唔係得過且過既那種店主，於是就決定俾個機會佢。用餐已是一個月前既事。一個人食呢D野好似有少少奇怪，不過叔叔態度好殷勤，令我感覺好良好。一坐低是送既胡椒餅，好好食不過唔記得影相，大家可睇樓下食家既照片。薄薄的脆脆的配上酸酸辣辣的汁，的確好讚。BUTTER CHICKEN份量好大呀，其實我呢餐叫既東西，2個人吃係綽綽有餘，奈何我得1個人，我又冇理由問叔叔可唔可以全部只要半份（嗯……）講返個雞，肉質好嫩滑，而且幾入味，好香。我其實唔知呢個菜色係應該咩味道 所以唔係好識評。佢唔辣，椰奶味濃，食得多會“漏”（但我一個人食，咩都漏啦），配烤餅食一流。CHEESE NAAN新鮮熱辣端來枱上，好香的烤餅麵份味! 第一口冇沾咖哩，但烤餅之香毫不單調，就咁食都覺得好GOOD～佢既芝士味反
搬來這區不久後，跟屋企人在街市另一大排檔晚飯，見到隔離呢檔野，當時覺得好奇怪，因為成晚佢地幾乎一個客都冇，但隱隱覺得行行企企既那位印巴叔叔有種“敬業樂業”既感覺，啊…也許用詞不當，但我直覺他是用心經營而唔係得過且過既那種店主，於是就決定俾個機會佢。
用餐已是一個月前既事。一個人食呢D野好似有少少奇怪，不過叔叔態度好殷勤，令我感覺好良好。一坐低是送既胡椒餅，好好食不過唔記得影相，大家可睇樓下食家既照片。薄薄的脆脆的配上酸酸辣辣的汁，的確好讚。
BUTTER CHICKEN
份量好大呀，其實我呢餐叫既東西，2個人吃係綽綽有餘，奈何我得1個人，我又冇理由問叔叔可唔可以全部只要半份（嗯……）
講返個雞，肉質好嫩滑，而且幾入味，好香。我其實唔知呢個菜色係應該咩味道 所以唔係好識評。佢唔辣，椰奶味濃，食得多會“漏”（但我一個人食，咩都漏啦），配烤餅食一流。
CHEESE NAAN
新鮮熱辣端來枱上，好香的烤餅麵份味! 第一口冇沾咖哩，但烤餅之香毫不單調，就咁食都覺得好GOOD～佢既芝士味反而其實不算突出，但正因如此，不會喧賓奪主搶左咖哩既風頭。
MANGO LASSI
這個就略嫌太甜啦，也有點稀稀的，茫果味不強，不試也罷。
這晚上好滿足，尤其喜歡親切的店主叔叔，佢唔會阻住你用餐，但佢會留意住，在適當的時就會行過來問你有咩需要。其實百幾蚊有咁既服務同食物質素真係超值，而且呢個份量本身可以2個人食既，即係除開都唔駛$100，咁既晚餐，真係抵到爛啦。
張貼
