樹屋泰菜 (已搬遷) 新店位置

今日食團年飯，屋企人話旺角有間泰國野吾錯就打電話去訂位，去到仲以為污糟點知都幾乾淨而光猛，去到其實都爆晒好彩有訂位我地之後睇左餐牌後叫左幾款野食：小食生菜包，有魚有菜又有雞，炒個金邊粉，最緊要叫個蒜茸包添..最後結幄都係叫晒每人$100都不用/4人份量，堅抵食而且味道吾錯，會再去！～首先味道可辣可吾辣，我地要全部都吾辣！生菜包菜夠脆身，豬肉香但份量偏少左DD。明爐烏頭好味道，湯微酸好開胃，而且仲有多一碗湯可以再添加落去，見到有梅又有菇條和香料好足料，魚身都滑而大條。椰菜苗炒得剛好有口感。雞不可不講…好味道喎，但需要點時間，等了大約15分鐘左右，但絕對值得，雞肉好滑又嫩，份量都吾少而醬汁有辣而酸，配合一起吃….正！～蒜茸包差不多每桌都有，蒜茸吾少而且熱呼呼又夠脆口，不錯。金邊粉份量偏少味道普通，有辣粉，青檸和砂糖可以配合一起食都幾特別。而這裡還有啤酒妹妹和泰式飲品，飲品味道正常。