香滑咖喱屋 (已結業)

回在中環上班的這一段時間，發覺自己都係去返以前食開既地方，是念舊？還是無新意？香滑咖哩屋，由以前係威靈頓街斜路排長龍食開到依家，見証其興衰，也印證了大部份食肆的怨念：鋪租太貴。搬左係街市入面，其實真係幾難搵，外邊路邊有廣告牌，但其實你都未必留意到。位置在九龍醬園旁，去開食咖哩，不妨買枝豉油或皮蛋吧，應該不會令你失望。其實味道真的沒大改變，咖哩多變是這裡的特色，連咖哩牛腩和咖哩羊腩的咖哩也是兩種的味道，基本上每一種肉都有一種咖哩配搭，你唔會覺得係求其搵樣餸撈咖哩汁就出黎的貨色。是日叫了咖哩羊腩飯，配飲品$49，唔配飲品好似$42，在中環價錢算是中上。羊腩入味，這裡的羊腩是比牛腩好，牛腩大多數都太韌，咬到牙都軟，但羊腩真是入味又夠腍腍得黎仲仍然帶有羶味，咖哩果然係羊腩的其中一個好拍擋。雖名香滑咖哩屋，但其實我覺得咖哩只香不滑，哈哈。底仲有薯仔，已煎香，配咖哩也是很好味。其實除左飯仲可以叫薄餅，但薄餅份量會少ｄ，間唔中一次都幾好的。原來依家兩位一齊叫餐仲送一碟油菜，地點不好，真是生意難做。橫掃完這一round後，是時候試下一ｄ之前沒吃過的店了。