誠記

營業中

休息中

細個嘅時候住喺堅尼地城，屋企人就係帶我嚟呢度食下午茶。搬走左之後，黎親堅尼地城都要返嚟懷緬一下過去。呢間街坊小店冇靚裝修，無好好既服務，啲阿姐阿哥個個唔用紙寫低，但係又會落錯單😂(以前細個佢真係記得晒架!)仲要喺熟食街市入邊，所以黎得嘅都一定係街坊。呢個餐牌入邊，款式有好多，配搭亦都有好多，但就係冇套餐😂你以為啲阿姐幫你埋單時，個個都記得價錢咁堅？睇呢個牌應該一目了然啦😂其實我都唔需要睇餐牌，次次黎親必嗌墨魚頭配雞翼。我知佢呢度出名係沙嗲牛肉，但係情意結嘅嘢，唔好問點解🤷🏻‍♀️再嘆番杯奶茶其實已經唔細個嘅時候咁好食，奶茶都冇以前咁好飲，但係情意結嘅嘢呢啲邊有得比呀🤗