份量勁足，點心仲要超好食，
食落覺得係師傅自己整，唔係出面入貨嗰啲
蝦餃燒賣，入面啲蝦勁新鮮超爽口，次次嚟都會嗌，唔會食到成口粉 又或者濕笠笠
腸粉都係勁好食 我都唔知點形容，反正唔係平時酒樓食嗰啲來貨腸粉咁😂
平時想食炸嘢就會嗌埋佢個蘿蔔酥，個皮超酥化🥺🥺
仲有佢嗰啲盅頭湯，勁濃藥材味
試過佢個川芎魚頭湯 同埋椰皇雞（唔記得叫咩名了😂）
川芎味超級超級濃 鍾意藥膳嘅人應該會覺得好正
口味淡一啲嘅可以試佢個椰皇燉湯 一樣係超級高質
湯好飲 燒賣好食 呢間真心會得閒就去食
（見佢早午市套餐好抵，不過仲未有時間呢啲時間過嚟食）
1
