顯徑車仔麵 (已結業)

偶然經過大圍顯徑村, 見到有間車仔麵檔, 正好肚餓,於是徑直入去醫肚, 座低後見到menu, 竟然仲有糖水食, 真的令人惊喜. 思前想後都係決定食車仔麵, 雖然他們的糖水都好吸引, 我都是叫了一個三餸麵食, 因為見到呢D舊式的車仔麵檔, 非常想食下他的原汁原味, 好快, 我的辣魚蛋,牛腩, 瑞士雞翼麵來到我面前, 未食已聞到牛腩香, 食一啖, 哇, 牛腩好入味, 好林, 有牛肉香味, 仲有D牛腩汁淋在麵湯中, 非常惹味, 仲有辣魚蛋, 雖然很簡單, 但魚蛋好彈牙, 又入晒味, 少少辣, 相當唔錯! 瑞士雞翼見到個樣都相當吸引, 醬紅色的雞翼一看都知道已浸到入味, 但食起上來唔會太林, 又有雞翼香, 又有豉油香, 甜甜地, 這雞翼食它十隻八隻都唔會嫌多, 太好味道! 最後埋單, 三餸麵加一杯凍豆漿才三十來元, 真的是平靚正! 真的是好食又抵食.