十兄弟車仔麵 (已結業)

話說，車仔麵點解叫車仔麵，答案是以前係用木頭車叫賣。時至今日，雖然街頭不再有車仔，但車仔麵文化依然存在。灣仔春園街餐廳林立，路經發現有間車仔麵。◽️ 招牌八寶麵 $55 （可以$9加紅燒鮑魚） 有柱侯牛坑腩、滷水豬大腸、香辣豬紅、香辣陳皮魚蛋、粟米、雲耳，由於無蘿蔔及豬皮，以菜心、金錢肚代替。特別想講豬大腸好入味又有咬口；魚蛋堅有陳皮味；牛坑腩食落有油脂香，油麵彈牙且不油膩，一碗就食盡不同口感。鮑魚好有咬口，而且加$9有一隻，每次最好加2隻，好抵食！揀咗腩汁湯底、小辣，湯底濃郁，加$2要辣菜脯，添上一份辣香，刺激而且不是死辣，愈食愈香。◽️ 小食拼盤 $52有紅腸、雲吞、墨魚丸、彷龍蝦丸及腐皮燒，樣樣香口，兩種丸好彈牙，蘸點甜辣雞醬更惹味。