潮滙館

很少去荔枝角/長沙灣，今次係朋友介紹先知道呢間菜館。

家鄉炸芋洛

雖然炸粉有啲厚，食落有少少油，但裏面的芋頭仍好淋、好滑。

鹹蛋黃炸魚皮

上枱前已聞到陣陣鹹蛋香，鬆脆入味

鵝紅

冇腥味，比猪紅淋，醬汁唔會太濃而蓋過鵝紅本身嘅味。

生醃瑡蚶

食過上海做法，潮州生醃都係第一次食，瑡蚶好細隻，用酒加辣椒浸住，我覺得腥☹️，朋友就話好食。

滷水三寶

味道一般，鵝肝同鵝肉都入味，鵝腸唔肥美仲有啲韌。

潮州蠔仔泡粥

蠔仔大粒又夠多，加埋芫茜蔥，大大鍋四個人都食唔晒

家鄉反沙芋

朋友話就算好飽，都要叫呢個甜品。
出面糖衣雖然好脆，唔鍾意食甜嘅我，都食咗兩件少糖粉的