莎娃迪卡 (已結業)

今日同屋企人去咗廟街食泰菜，鋪仔細細，環境好一般，但係食物都好ok 喎！餐廳係由泰國人主理，落單嗰個話俾我聽佢唔識睇中文的，似乎好正宗。OpenRice可以訂枱，有生蝦送，勁抵。生蝦都唔野少㗎有六隻，就咁order 都要80幾蚊，勁有誠意啊！啲辣汁真係辣到跳舞，食完要即刻叫個椰青下吓火先。另一個頭盤豬頸肉都唔錯噃，肥瘦適中，燒得好香，轉個頭就俾人清晒了。生菜包，肉粒略嫌唔夠辣，但係鹹淡適中，我就自己加左少少辣汁落去 high high 佢。生菜都算洗得好乾淨，呢點好緊要！串燒豬同雞，good 喎！堅係新鮮燒出嚟的。尤其是個沙嗲汁，好正呀！可以帶出肉味。飛天通菜，都算大碟，炒得好香，又唔會太咸。其實我哋仲叫咗好多嘢食，例如海南雞啦、泰式燒魚啦、炒粉啦等等。但係食食吓已經唔記得咗影相了，再影落去啲好嘢都俾人搶曬了。會再去的。