，好細心。可能真係太早，侍應唔多，舉手舉左一陣都無人理，最後又係收銀姐姐幫手落單，勤力抵讚。落單時發現餐牌個餐廳名唔同左，連餐飲都變左少少可以揀咖啡奶茶。我叫左酸辣麵凍檸茶，朋友叫左粗炒同熱檸水，再加左個鍋貼。
酸辣麵食落去超辣，平食食得下辣野嘅我都覺得好辣，而麵份量超多，多到最後食唔晒，而有樣野係抵讚嘅係佢有剪開啲麵，方便啲夾黎食。
凍檸茶叫左少甜少冰，兩樣都有做到，而宜仲有3片都幾厚嘅檸檬，唔錯。
上海粗炒，雖然賣相麻麻地，但食落有驚喜
，炒得都算乾身唔會油淋淋，而且幾惹味，但美中不足麵硬左少少，如果可以軟少少就好啦。鍋貼因為太飽，無食到(仲唔記得影相)，但朋加話皮簿餡靚，肉餡大大舊，而且仲煎得好香脆，我坐喺佢對面都聽到
。整體黎講改左名後價錢繼續親民，大件夾抵食，下次黎都要食粗炒同鍋貼!
