但咁熱去九龍城食都好甘下
諗起近期番屋企時, 夜晚都見泰辣廚幾旺場, 就不如近近地食佢。
3pm, 2個人, 叫左生蝦, 燒鰂魚, 牛丸扎肉金邊粉, 仲有個豬手飯。 我諗老闆都o左咀, 邊有人食tea叫條燒魚 😂
生蝦 , 老闆話我地太早, 即開蝦整。 新鮮i like!! 肉質夠厚, 又爽! 最怕d泰式生蝦好瘦冇呢肉地。
金邊粉, 正常野, 冇comment。 反而個豬手飯有驚喜, 話哂只係lunch set, 冇咩期貨, 點知唔油膩, 仲好香同夠哂淋。
燒魚要即叫即燒,都成30min先食到。 開魚見佢肉身仲好juicy, 係燒得啱啱好。
同阿媽講之後泰菜之後唔洗去九龍城食。搞到阿媽又心思思。 第2晚即刻話去試晚飯!!
encore左生蝦同燒鰂魚,
加埋燒大尤魚, 豬頸肉
個尤魚掂呀, 見到肉身厚, 彈牙, 我諗都叫抵食
個豬頸肉, 細佬like爆, 因為燒到夠脆身
連埋飯 麵 菜 椰青, 600幾蚊 4個人, 我覺得性價比好高呀!
