寶島

營業中

休息中

呢間寶島食過冇數次，舖頭細細，但客人多多，一個人來必食「窩燒辛辣麵配肥牛」，帶細路來食，推薦大家試下「茄子肉燥飯」，個女成日食到lam lam脷。講下呢個「窩燒辛辣麵配肥牛」先，點解禁鍾意食？因為平時响其他地方食，d湯都會煮到好稀，而佢地呢度湯底會煮得比較濃，而且好似加左d秘製嘅方法落去咁，食起來香濃而惹味，d餸除左本薄片身肥牛外，另外會打隻生蛋旦落去，加上呢個窩嘅熱度，搞兩下，蛋旦會變左d蛋花，好好食，辣度又適中，由頭食到尾都會保持温度，keep住熱辣辣 另外「茄子肉燥飯」d肉燥汁撈飯都好好味架，不過肉燥份量多d更好。見到佢最近新出「部隊鍋」，真係好想試下，睇介紹嘅相，應該要兩個大人先食得晒。