神座日本料理 (已結業)

今晚來<神座日本料理>食晚餐，之前都來過食lunch，今次試下佢哋嘅晚市套餐。炸豬扒飯定食：炸豬扒吾算好厚，亦不算大塊，屬於中等size，脆度一般，比較多炸粉，亦沒有什麼味道，質素平平，但可以接受。銀鱈魚定食：銀鱈魚嘅魚肉雖然唔係好大塊，但係魚肉嘅質量非常之高，有好多嘅魚油，非常之香口好味，而且魚肉入口亦非常之嫩滑，值得一試。日本吞拿魚拖羅魚蓉定食：拖羅份量正常，但魚肉質素吾算好高，不過都算新鮮，但不至於肥美，味道不過不失。炸蠔:炸蠔特價$65有5隻，忍唔住食咗三隻先記得影相。炸蠔係即叫即炸，入口脆卜卜，非常新鮮熱辣，而且蠔身入口肉質仲好好味，亦好嫩滑，非常之juicy。爐端燒油甘魚頭連魚骹：油甘魚魚頭油脂非常充盛，就算煎炸過都非常之嫩滑，而且魚頭嘅肉都好多，入口非常之惹味，值得一試。另外我哋仲嗌咗鰻魚飯定食、鰻魚壽司、玉子壽司、蟹柳卷、牛肉烏冬、三文魚子壽司、魚生刺身定食等，質素水準尚算平均，不過呢間餐廳嘅價錢非常之實惠，晚市嘅人均消費大約都係$150至$200左右，雖然唔算係最高質素嘅日本菜，但係以街坊日本料理來講，都叫做抵食，值得再來。