潮味莊

今次想介紹呢間打冷鋪，好明顯行街坊路線，位於油麻地，街坊價，開頭以為呢個價錢會將價就貨，咦！又估佢唔到份量唔細喎，不過講到尾味道先係重點😏

鵝片啖啖肉，雖然偏少少肥，但係非常入味。

滷水豬頭肉拼墨魚，勁爽脆。

蠔餅係有啲失望，厚粉，炸得唔係咁香脆，但係蠔都算大粒。

我最中意就係蠔仔粥，可能我本身係一個茜人，一見到落左咁多茜已經好歡喜，肉碎同蠔仔一啲都唔吝嗇，材料好多，啖啖過癮。

最緊要我食完冇口渴😉😉滿足既一餐💪#潮味莊