坤記麵家 (已結業)

呢間麵店已經開咗大約4個月左右。店舖主要都以牛腩為主打! 都幫襯咗都好多次啦!今次食牛腩麵 + 炸魚皮, 呢度嘅牛腩好味在,係肉同油脂一層層好分明, 一咬就落去好"淋"呀, 唔會好柴皮咁!每次食嘅質素都係好平均, 牛腩每次都係一層層。唔似出面有d已經出咗名嘅麵店, 每次質素都有分別!:可能今次ok, 但下次去就俾d好似柴皮咁硬, 咬都咬唔開。上次試埋牛肉餅, 外形同味道都係"好似一個偏咗嘅牛丸", 好彈又有牛肉味!而佢哋煮嘅麵亦都講究, 如果你即刻食係會覺得比較硬, 但你一路食, d麵俾滲浸住, 你會發覺d麵, 係唔會浸到過"淋", 反而係啱啱好, 唔會食到尾d麵"淋"晒!