雲吞麵食店 (已結業)

呢間位於千色店旁邊嘅車仔麵，我間唔中都會幫襯一下，因為貪佢點車仔麵可以配上我至愛嘅凍奶茶，都係只需加三蚊 ， 如沒有太多要求， 包埋嘅凍豆漿亦都唔錯 ！

呢度車仔麵餸選擇十分多，而且套餐價都係非常之經濟實惠！

鮮牛肉份量十分多，味道亦唔錯！

牛丸，十分細心，將佢切開一半，令到兩邊加熱十分平均，最怕食到啲牛丸出面熱裏面仲係凍！


呢度最佳選擇係豬腸，除咗脂肪不算太多，而且清理得十分乾淨，入口味道很香濃， 車仔麵點少得叫豬腸！

呢度嘅醬汁我提議選擇咖哩汁，十分惹味！