紅星餐廳

營業中

休息中

街坊價錢懷舊超正西餐廳係北角唔起眼既角落，居然有間貼地高質素平民西餐廳，環境裝修雅緻。鑊仔炆無骨豬手跟意大利粉豬手炆到軟稔，好容易切開，入口即溶。琺瑯鍋紅酒雜菜炆牛尾牛尾炆得入味，肉汁豐富，份量大大份。美國安格斯牛肉眼扒（黑松露醬燒汁）肉質豐富嘅安格斯肉眼扒，面層有豐富既香草同黑松露燒汁，薯蓉保留住細粒嘅薯仔，更加有口感。西班牙巴斯克焦香芝士蛋糕呢個芝士蛋糕俾到驚喜，口感鬆軟，芝士味濃郁，唔會過甜，跟餐加$20就可以試到呢個甜品。餐廳仲做緊$198，120分鐘任食小食同任飲指定飲品，除左食晚餐，亦可以揀同朋友一齊喺餐廳傾偈飲吓嘢，餐廳既小食同串燒質素亦相當唔錯。呢個價錢食到呢個質素食物，實在係性價比之選。