影片
更多
2018-07-28
58 瀏覽
餐廳喺上環文娛中心附近嘅一個商場內，商場人流唔多，但周圍都係屋苑，所以都係做街坊生意。價錢方面自然相宜，平嘅有$50左右嘅拉麵/烏冬套餐，價錢高嘅都只係百幾蚊。門口有兩個機械人，造型好似某電影中嘅傻強同奀妹咁，不過當晚就冇serve客，只係企喺門口郁都唔郁，但都幾得小朋友歡心。我哋每人叫咗兩個【厨師推介Set】【凍珍珠奶茶】一般餐廳轉凍飲，有良心嘅都要加$2，呢度轉飲珍珠奶茶竟然唔駛加錢。奶茶唔算好甜，味道啱啱好。【益力多乳酸沙冰】加$5就可以揀特飲。益力多味都算濃，乳酸菌有益，啱我。【蘑菇忌廉湯】味道淡咗少少同稀咗少少，還好有好多人蘑菇蓉喺入面，配湯嘅蒜蓉包亦夠香脆。【香煎三文魚拼大蝦配薯角$148】三文魚煎到外面有少少脆，仲帶少少魚汁，味道啱啱好。配上嘅蘑菇忌廉汁就鹹咗少少。薯角係即炸，香脆又熱辣辣。【歐陸式什扒(肉眼扒、雞扒、豬扒、司華力腸)$158配飯】初初以為什扒會係每樣俾少少，出到嚟原來三塊扒都唔細。最正係塊肉眼扒，夠厚，切落去軟腍，叫咗五成熟，帶少少血啱啱好。一食就有驚喜，估唔到什扒餐嘅肉眼扒質素可以咁高，肉汁非常豐富，點埋紅酒汁就味道更突出。司華力腸得半條，不過夠大碌又
門口有兩個機械人，造型好似某電影中嘅傻強同奀妹咁，不過當晚就冇serve客，只係企喺門口郁都唔郁，但都幾得小朋友歡心。
我哋每人叫咗兩個【厨師推介Set】
【凍珍珠奶茶】一般餐廳轉凍飲，有良心嘅都要加$2，呢度轉飲珍珠奶茶竟然唔駛加錢。奶茶唔算好甜，味道啱啱好。
【益力多乳酸沙冰】加$5就可以揀特飲。益力多味都算濃，乳酸菌有益，啱我。
【蘑菇忌廉湯】
味道淡咗少少同稀咗少少，還好有好多人蘑菇蓉喺入面，配湯嘅蒜蓉包亦夠香脆。
【香煎三文魚拼大蝦配薯角$148】三文魚煎到外面有少少脆，仲帶少少魚汁，味道啱啱好。配上嘅蘑菇忌廉汁就鹹咗少少。薯角係即炸，香脆又熱辣辣。
【歐陸式什扒(肉眼扒、雞扒、豬扒、司華力腸)$158配飯】初初以為什扒會係每樣俾少少，出到嚟原來三塊扒都唔細。最正係塊肉眼扒，夠厚，切落去軟腍，叫咗五成熟，帶少少血啱啱好。一食就有驚喜，估唔到什扒餐嘅肉眼扒質素可以咁高，肉汁非常豐富，點埋紅酒汁就味道更突出。司華力腸得半條，不過夠大碌又脆皮，亦都唔錯。
去開呢區探朋友，夜晚嚟食個飯都係不錯嘅選擇。
張貼
