五味茶餐廳

營業中

休息中

下午茶餐，點都係鍾意食街坊茶餐廳，因為又平又大份。今日下午好肚餓，要食鐵板餐，介紹畀大家，佢只係$42,已經有兩塊扒，配意粉或飯或薯菜，仲有一杯熱飲，送例湯。今日係西洋菜豬骨湯，超好飲！又甜又夠火喉，西洋菜味好香，連啲西洋菜同豬骨都食晒。飲熱奶茶，佢呢度啲奶茶好飲過咖啡，茶味夠香。兩塊扒，揀咗吉列豬扒同埋炸雞脾，炸雞脾大大隻，正！成個餐份量好大，因為仲有意粉同埋椰菜。意粉份量都唔算少，要夾開吉列豬扒同埋炸雞髀，先至夠位食到意粉同椰菜。揀咗洋蔥汁，味道都不過不失啦，唔會太鹹，又唔會冇味。吉列豬扒大過個飯碗，炸得金黃，外層非常脆，豬扒肉幾爽口。佢呢度人流多，所以啲嘢食算新鮮㗎。