千家客 (已結業)

星期六出街周圍 hea，由港景峰落車向旺角方向行，行過佐敦道食市林立，但係未肚餓所以冇留步，行過玉器市場八卦，途經上海街，見到呢間 ，當時12點鬆D，見有少少餓咪入去試下囉。入去見到得一枱人，好多位任坐，坐低望下餐牌絕對冇3毫子嘅食品賣，大家都知3毫子係綽頭嘢，意思係懷舊風味，唔好咁認真啦～叫左個豬肉雲吞麵同义燒粗麵。粒豬肉雲吞幾實浄，但係唔太有豬肉味，雲吞皮好滑好正，D 麵雖然唔係超級彈牙，但都爽口嘅，菜心可能唔合時，好老有渣。碗义燒麵其實又冇乜特別，半肥瘦唔鞋肥膏爽脆係好食但唔夠 "蜜汁"，個粗麵一樣係唔夠彈但都算爽嘅。去到最重要嘅湯底喇，佢舖入面D 鱔稿寫住湯底係用豬骨、蝦殼、大地魚去熬嘅，老實講，碗麵一上枱嘅時候其實我望落去係覺得偏油嘅，但食落口又唔係喎，飲一啖湯都覺得幾清，蝦殼味重過豬骨大地魚味，算係順喉嘅。總結係行過可以食下，特登出黎食就唔使喇。