影片
更多
2024-04-13
821 瀏覽
抵食又好味嘅一間台式餐廳，裝潢以櫻花做主題啱晒打卡，仲會提供書籤俾客人寫低留言掛上去，好有特色🫶🏻。今日黎開呢頭行完山食個lunch~自選酸辣湯麵(台灣麵、豬肉片、百頁豆腐、麻辣鴨血、香菇貢丸) $72將秘製酸辣醬同湯底撈勻後再食用，辣得嚟又酸酸哋好開胃，配料嘅豬肉片肥瘦均勻口感唔錯，百頁豆腐有好好吸收湯底，麻辣鴨血口感彈牙而且好入味，香菇貢丸亦都幾香口👍🏻。香酥雞排飯套餐 $60超超超大塊鹽酥雞排！仲要炸皮夠薄肉身夠厚，咬落外脆內軟，外層仲鋪滿鹽酥粉食落好香口惹味，仲有大碗滷肉飯食落充滿豬油香味，兩種台灣地道美食配搭好夾。仙草奶綠 $13，珍珠奶綠 $13食台灣嘢就梗係要配埋手搖飲品，甜度我自己覺得啱啱好，珍珠同仙草各有特色，可以視自己喜好選擇口味。別忘了 (天水圍)天水圍天湖路2號天耀廣場LG1樓LG15-16號舖
今日黎開呢頭行完山食個lunch~
自選酸辣湯麵(台灣麵、豬肉片、百頁豆腐、麻辣鴨血、香菇貢丸) $72
將秘製酸辣醬同湯底撈勻後再食用，辣得嚟又酸酸哋好開胃，配料嘅豬肉片肥瘦均勻口感唔錯，百頁豆腐有好好吸收湯底，麻辣鴨血口感彈牙而且好入味，香菇貢丸亦都幾香口👍🏻。
香酥雞排飯套餐 $60
超超超大塊鹽酥雞排！仲要炸皮夠薄肉身夠厚，咬落外脆內軟，外層仲鋪滿鹽酥粉食落好香口惹味，仲有大碗滷肉飯食落充滿豬油香味，兩種台灣地道美食配搭好夾。
仙草奶綠 $13，珍珠奶綠 $13
食台灣嘢就梗係要配埋手搖飲品，甜度我自己覺得啱啱好，珍珠同仙草各有特色，可以視自己喜好選擇口味。
別忘了 (天水圍)
天水圍天湖路2號天耀廣場LG1樓LG15-16號舖
張貼
