影片
更多
2017-02-15
373 瀏覽
由荃灣行 (元荃古道) 到元朗行到腳仔都軟埋肚仔都凹埋 一到埗元朗即刻搵下有咩正嘢食誤打誤撞之下嚟到校長燒肉呢度見到都幾吸引就決定試下! 門口哥哥仔話只剩一張 2-3人枱 (我地 4人)都有先溫馨提示可能要坐迫少少但其實我地覺得啲位都好濶落坐 4 個絕對無問題 佢地分時段我地 6點半進場 (入座後有 2 小時)收 7點後既價錢 $208 +1很合理估唔到因此而有驚喜 一坐低哥哥仔就話因為有啲食物要 7點後先提供咁佢會叫廚房先準備一碟俾我地 (實在太好啦! 之後又唔駛同人迫住拎 )有齊 羊架, 一口牛, 肥牛片, 牛柳條, 豚肉片, 2款蝦, 青口, 元貝等 (抱歉實在太肚餓無影相 )全部都好新鮮好靚仔~!!! 哥哥仔又會問要唔要加 $6 鋪一張燒肉紙咁會無咁容易燒焦食物張紙黑咗又可以叫佢地換紙咁幾好喎~!!! (朋友話用呢張紙佢地洗鐵板又唔駛咁辛苦)等燒期間望下出面啲熟食都有好多選擇喎 人蔘雞湯, 羅漢果水, 胡椒豬肚湯 (夠哂胡椒辣 )炒烏冬, 炒韓式粉絲, 炸薯角, 炸薯餅, 炸餃子, 炒豬耳不斷 refill 間唔中又換下款未食燒物都差啲食飽咗 飲品都多選擇有久違了的沙示 另
行到腳仔都軟埋肚仔都凹埋
一到埗元朗即刻搵下有咩正嘢食
誤打誤撞之下嚟到校長燒肉呢度
見到都幾吸引
就決定試下!
門口哥哥仔話只剩一張 2-3人枱 (我地 4人)
都有先溫馨提示可能要坐迫少少
但其實我地覺得啲位都好濶落
坐 4 個絕對無問題
佢地分時段
我地 6點半進場 (入座後有 2 小時)
收 7點後既價錢 $208 +1
很合理
估唔到因此而有驚喜
一坐低哥哥仔就話因為有啲食物要 7點後先提供
咁佢會叫廚房先準備一碟俾我地 (實在太好啦! 之後又唔駛同人迫住拎 )
有齊 羊架, 一口牛, 肥牛片, 牛柳條, 豚肉片, 2款蝦, 青口, 元貝等 (抱歉實在太肚餓無影相 )
全部都好新鮮好靚仔~!!!
哥哥仔又會問要唔要加 $6 鋪一張燒肉紙
咁會無咁容易燒焦食物
張紙黑咗又可以叫佢地換紙
咁幾好喎~!!!
(朋友話用呢張紙佢地洗鐵板又唔駛咁辛苦)
等燒期間望下出面啲熟食
都有好多選擇喎
人蔘雞湯, 羅漢果水, 胡椒豬肚湯 (夠哂胡椒辣 )
炒烏冬, 炒韓式粉絲, 炸薯角, 炸薯餅, 炸餃子, 炒豬耳
不斷 refill 間唔中又換下款
未食燒物都差啲食飽咗
飲品都多選擇
有久違了的沙示
另外有張刺身通行證
可以出刺身枱拎刺身食
有三文魚, 希靈魚, 螺, 蟹棒等等
是厚切呢~~~ 到肉食枱
直頭花多眼亂樣樣都想食
但諗起哥哥仔之前已經拎咗一碟正嘢俾我地, 忍下手唔拎住先 蔬菜部就誠意推介蕃薯仔 (超超甜) 同埋菠蘿 (解下食肉既肥膩感)
仲有仲有
雪條部
今晚有好幾款韓國雪條
睇唔明韓文, 不過朋友食到係 Oreo 味, 好攪笑
燒燒下
有個哥哥仔走埋嚟我地度
教我地用個油掃 (我地初頭以為係, 所以一路都無用到)
原來可以用嚟一路燒一路掃啲汁上啲肉度
佢話咁燒會有另一番風味
的~確又真係好正喎~!!!
總括嚟講呢間校長非常值得推介!
食物款式多, 而且相當新鮮, 性價比高
更值得一讚既係店員服務態度~
我地成日講唔該, 佢地會話真係唔駛咁客氣
我又麻麻煩煩咁要飲啲唔凍既嘢
咁我目及到佢地旁邊地下有啲唔凍既紙包飲品
問店員可唔可以拎嗰啲
佢地做緊嘢都即刻由 counter 入面行出嚟幫我拎
攪到我都有啲唔好意思
今時今日咁既服務態度真係值得加許
校長果然管教得好, 哈!
一定會再介紹朋友嚟呢度食食食!!!
張貼