影片
更多
2021-12-23
14 瀏覽
好鍾意食海鮮嘅朋友約我食飯，話想去銅鑼灣嘅蟹仙食海鮮蒸氣火鍋。呢到嘅老闆係海鮮入口商批發，做左好多年，所以有唔少靚海鮮都會拎嚟自家餐廳賣，所以呢到可以食到好多特別而新鮮嘅海鮮。我哋選擇叫$438嘅尊貴海鮮套餐，套餐都好多款唔同嘅海鮮，饅頭蟹、龍蝦、奄仔蟹、虎蝦、月亮貝、鮑魚、青口等店員幫手處理蒸煮海鮮，按唔同嘅時間一次蒸一款海鮮，可以食到岩岩好嘅口感，唔使自己動手整到過晒火。鮑魚同虎蝦都大大隻，爽口彈牙，食落鮮甜嫩滑。青口都好爽口，海水濃味到一個點，同平時西餐嘅藍青口好唔同，感覺好特別。月亮貝同龍蝦就好有鮮味，月亮貝啲肉好滑好甜，龍蝦多膏得嚟好Creamy，肉質彈牙結實。不過我最鐘意嘅都係奄仔蟹，因為夠曬多膏，啲膏好似食緊雪糕咁滑，蟹肉肉質結實有鮮味，饅頭蟹都好特別，細細隻好鮮甜。最後食埋吸收曬海鮮精華嘅海鮮豬骨粥同椰汁燕窩，今餐真係超級滿足。
好鍾意食海鮮嘅朋友約我食飯，話想去銅鑼灣嘅蟹仙食海鮮蒸氣火鍋。呢到嘅老闆係海鮮入口商批發，做左好多年，所以有唔少靚海鮮都會拎嚟自家餐廳賣，所以呢到可以食到好多特別而新鮮嘅海鮮。
我哋選擇叫$438嘅尊貴海鮮套餐，套餐都好多款唔同嘅海鮮，饅頭蟹、龍蝦、奄仔蟹、虎蝦、月亮貝、鮑魚、青口等
店員幫手處理蒸煮海鮮，按唔同嘅時間一次蒸一款海鮮，可以食到岩岩好嘅口感，唔使自己動手整到過晒火。
鮑魚同虎蝦都大大隻，爽口彈牙，食落鮮甜嫩滑。
青口都好爽口，海水濃味到一個點，同平時西餐嘅藍青口好唔同，感覺好特別。
月亮貝同龍蝦就好有鮮味，月亮貝啲肉好滑好甜，龍蝦多膏得嚟好Creamy，肉質彈牙結實。
不過我最鐘意嘅都係奄仔蟹，因為夠曬多膏，啲膏好似食緊雪糕咁滑，蟹肉肉質結實有鮮味，饅頭蟹都好特別，細細隻好鮮甜。
最後食埋吸收曬海鮮精華嘅海鮮豬骨粥同椰汁燕窩，今餐真係超級滿足。
張貼
