大熊在吃 (已結業)

好耐無嚟食過，今日嚟到原來轉咗手，見到仲有得食蟲草花雞湯，就入嚟回味一下。坐位比以前寬敞舒適，亦光猛咗。叫咗個蟲草花雞湯銀針粉(午餐包飲品$42)平過單點，有四大件雞件，雞肉好滑，湯好鮮甜，無味精味，飲完不口渴。米線餐叫咗豬手，瑞士汁好入味，豬軟骨就同其他舖頭差不多，可能都是來貨質素。加個十蚊雞蒜泥白肉。十蚊有八片都ok，辣椒油好香，蒜可以再多點。值得推薦。