個時為左食一串牛舌燒,放學成日走去問...(因為唔係成日有
)
好好彩依家屋企附近開左間,而且又近巴士店
對於以前大埔只得魚旦,牛丸,車仔麵做夜宵的放工人士來說
串皇,係佢地另一個選擇:)
我只係食過一次牛舌, 令我又好似返學個時咁,路過都會問
"老細,牛利有無貨??" 可惜.......:(
星期五,落毛毛雨,同朋友路過...
Order左豬頸肉,雞軟骨,煙肉金菇
之前已領教過,串皇辣的境界
....所以必定再三叫唔辣
企係店邊
等老細燒的時間,見上雜誌的剪頁,都以啤KING做打格子用
一睇就知道係你啦....洗咩遮啊.....
見到原來爐邊仲有個位置黎燒雞皮
....
之前都無發現, 於是又買左黎試....
等左5分鍾左右啦,因為叫佢除左金菇,其他都燒干身D
點解?????
燒干身D,加埋特制醬汁, 你先會知道,點解要食串燒的道理
豬頸肉,次次食都無失準,蜜味充足,面干,內里肉汁封住,加上特別醬料~
雞軟骨,今次燒得干身,所以硬D, 之前無咁干呢,就有油香D
煙肉金菇, SIZE時大時細,加煙肉唔錯, 雖然加汁,但都有DD菇被燒濃左
:chopstick:雞皮....我平時唔食雞皮的,但烘雞皮,點都要試試,加醬食,軟脆,唔加醬,像食雞味薯片,不過雞皮始終都係肥肥,所以少食少食
