影片
更多
2017-06-08
158 瀏覽
今日十分之運滯，老細delay我唔同我簽約，又俾同事當閒人……夜晚約咗老公出尖沙咀食飯，佢又OT ,等到我超肚餓，不過最後好好彩地間餐廳係幾好嘅，令到我心情好返晒。之前在間嘢出面經過覺得門口見好似係一間幾fancy的cafe，已經想試下，今次入到去見樓面唔算好大，但係就俾人一種好舒適安逸嘅感覺，放左啲公仔，嗰個大大嚿灰色嘅東西，之後睇餐牌先知道原來係佢哋嘅其中一款甜品嘅造型！好得意，佢哋有埋自己嘅主題！之前覺得卡邦尼意粉係好普通的一道菜，而且係cafe 做的hot dish 又未必好好，不過老公想點，由佢。不過食落覺得佢但呢個意粉真係超乎我想像的高質，賣相已經好靚好吸引，而個意粉汁真係好滑溜好creamy，想不到一間小小的cafe做的carbonara真係拍得住西餐廳咁正宗。此外，溫泉蛋仲令到意粉滑上加滑！溫泉蛋爆破了，露出了金黃的蛋黃漿，再為呢個意粉加多了一重蛋香，勁 rich，其上小小的黑椒，在極幼滑的忌廉汁之中加少少刺激感，而煙肉同埋蘑菇粒，發揮了吊味的作用，口感都好好。羽衣甘藍帶子扁意粉見到羽衣甘藍... 真係以為只係為了改個比較有詩意的名字，原來羽衣甘藍就係令到呢個意粉被染到
夜晚約咗老公出尖沙咀食飯，佢又OT ,等到我超肚餓，不過最後好好彩地間餐廳係幾好嘅，令到我心情好返晒。
之前在間嘢出面經過覺得門口見好似係一間幾fancy的cafe，已經想試下，今次入到去見樓面唔算好大，但係就俾人一種好舒適安逸嘅感覺，放左啲公仔，嗰個大大嚿灰色嘅東西，之後睇餐牌先知道原來係佢哋嘅其中一款甜品嘅造型！好得意，佢哋有埋自己嘅主題！
之前覺得卡邦尼意粉係好普通的一道菜，而且係cafe 做的hot dish 又未必好好，不過老公想點，由佢。不過食落覺得佢但呢個意粉真係超乎我想像的高質，賣相已經好靚好吸引，而個意粉汁真係好滑溜好creamy，想不到一間小小的cafe做的carbonara真係拍得住西餐廳咁正宗。此外，溫泉蛋仲令到意粉滑上加滑！溫泉蛋爆破了，露出了金黃的蛋黃漿，再為呢個意粉加多了一重蛋香，勁 rich，其上小小的黑椒，在極幼滑的忌廉汁之中加少少刺激感，而煙肉同埋蘑菇粒，發揮了吊味的作用，口感都好好。羽衣甘藍帶子扁意粉
見到羽衣甘藍... 真係以為只係為了改個比較有詩意的名字，原來羽衣甘藍就係令到呢個意粉被染到綠色的來源，但別以為呢個煮法就會令整個意粉只得單調的草香，仲有好香的蒜味，黑椒，令到呢個意粉除咗顏色奪目，仲好惹味又香口！最好的留在最後，我哋兩個都留咗件帶子最後先食，帶子軟軟的，外面係輕輕煎了一下，裏面還是保持帶子的鮮美。
一個甜美又可愛的熊貓頭，簡直融化了我的心，今天所受的所有負能量都沖去了！從來都無想過大大個的棉花糖可以同雪糕一齊食，當然兩者其實都好甜，但係呢個甜品勝在質感口感上面十分之多元化，首先軟綿綿輕飄飄的棉花糖，細碎的曲奇餅蓋住了冰冰凍又滑溜溜的扭紋雪糕(我選了牛奶味同朱古力味)，呢三個層次組成了呢個甜品，令人甜入心。
最後嘆番杯百香果熱紅茶作為一個結尾，杯中間有真空層，令到凍熱的東西都可是保持温度，看上去好通透精美。沒想到百香果茶咁甘香，充滿百香果的甜味，同茶味平衡得好好。除了食物令人有幸福嘅感覺、甜品令人甜入心，呢度的服務員細心體貼，服務好，加上呢度嘅裝修好cozy，令人一種好舒服有如在家的感覺！
張貼
