上次o係九城想去但休息, 今次見佢開住一定要入去買d 蝴蝶酥試下
原來入面有各款曲奇試食. 首先當然試下蝴蝶酥係咪真係好食先, 我又唔係覺得好特別. 但隻朱古力曲奇真係好香濃朱古力味, 又唔甜, 真係好正
但最後都係買左盒蝴蝶酥返屋企$88, 比家人試下都要既
個袋同個盒都幾精美, 抵佢賣咁貴
打開個盒, 蝴蝶酥都冇咩獨立包裝, 排到密密麻麻, 絕無呃稱.
一盒大約左36塊, 9塊一層, 有4層.
先食一塊, 外面只係少少糖粒同糖漿, 食落亦唔係好甜. 糖亦都唔黐手.
但最驚喜係食落去有好大朕牛油香味散發出黎. 哩種香味真係叫人食到停唔到口.
至於口感, 佢又唔係整到好鬆脆o個隻. 比較硬身
哩d 都係少食多滋味, 咁貴一盒實在係有錢人既玩意. 我買o個時有個阿太訂左廿盒聖誕送禮...
但真係好正好回味!
