美食園林餐廳 (已結業)

lunch又是頭痕時，行行重行行，同事提議到呢間，沒關係，反正沒吃過。門面跟一般茶餐廳一樣，最先，當然係睇下午餐餐牌了。穩陣起見，叫了滑蛋蝦仁飯，包例湯熱飲，$35很經濟，好快已經有得食。例湯先來，今日係粉葛煲排骨，味精不多，但不是沒。未稀到水但也不是很夠火喉，一貫茶餐廳水準吧。碟飯黎到真係嚇一跳，不是小蝦仁，滑蛋蝦仁飯既蝦竟是用大蝦，雖然一碟飯只有六隻。再細心留意，每隻蝦都已經挑了蝦腸，真係估都估唔到。蝦肉很爽，不是死蝦，還是有鮮蝦味，其實六隻蝦慳慳地都夠爬一碟飯，唯一不足是滑蛋汁很少，最後有點像吃白飯。餐飲熱菜蜜，竟然真的有西洋菜味，記得對上一次飲菜蜜有西洋菜味，那一杯是甜到喊的，這一杯甜度適中了。蝦你老實，這一餐真的很驚喜滿意，相信短時間我會再返黎的。