影片
更多
2008-12-14
61 瀏覽
食完四川麻辣的晚飯，就心思思想食返個雪糕；本來想去Pappagallo的，但諗諗下，不如試試Italian tomato 的gelato, 次次買蛋糕都見到，但未試過。呢度的蛋糕我得閒無事會買黎食的。講好味，又唔算超級好味，係個黑森林同個古古力芝士條突出d啦 (d古古力味好濃的, 值得試下; 不過佢d同水果有關的蛋糕就好一般了...)；不過貪佢可以一件件買, 又近屋企咁lor。講返今次的雪糕....唉；因為我腸胃唔好，唔可以食咁多奶製品，雪糕都係食gelato同sobert居多，我真係未食過咁難食既, 唔知係gelato定sobert的物體！！我叫左個雙球甜筒：芒果同雜苺；佢冇寫係咁sobert, 但芒果果個好明顯係, 好"冰", 仲有偏淡，d"冰"又做得唔夠幼滑，令人感覺食緊d實淨d, 果味重d既思樂冰咁咯！個雜苺仲衰；係，佢雜苺味好勁，都好香，又唔似芒果咁"冰", 但唔知點解，食食下會有d係一pat pat痴埋一舊，好似d溶左既軟糖咁，口感好核突；最慘係佢既雪糕筒唔係威化做的，好一般果d, 食到人咀都歪埋....個價錢唔算平，$20單球, $26雙球，但你諗下，去papagall
呢度的蛋糕我得閒無事會買黎食的。講好味，又唔算超級好味，係個黑森林同個古古力芝士條突出d啦 (d古古力味好濃的, 值得試下; 不過佢d同水果有關的蛋糕就好一般了...)；不過貪佢可以一件件買, 又近屋企咁lor。
講返今次的雪糕....唉；因為我腸胃唔好，唔可以食咁多奶製品，雪糕都係食gelato同sobert居多，我真係未食過咁難食既, 唔知係gelato定sobert的物體！！
我叫左個雙球甜筒：芒果同雜苺；佢冇寫係咁sobert, 但芒果果個好明顯係, 好"冰", 仲有偏淡，d"冰"又做得唔夠幼滑，令人感覺食緊d實淨d, 果味重d既思樂冰咁咯！
個雜苺仲衰；係，佢雜苺味好勁，都好香，又唔似芒果咁"冰", 但唔知點解，食食下會有d係一pat pat痴埋一舊，好似d溶左既軟糖咁，口感好核突；最慘係佢既雪糕筒唔係威化做的，好一般果d, 食到人咀都歪埋....
個價錢唔算平，$20單球, $26雙球，但你諗下，去papagallo 或者xtc都係貴少少，但食得你開心好多......去呢度食雪糕，真係去老麥食個mcflurry, 甚至係去七仔買個甜筒/雪條食，都仲好食過佢呀...好後悔食左呢個貴過晚餐本身既甜品啊...
個service呢度一向都係一般, 有個sales係above average, 有個係below average, 睇你好彩撞到邊個囉, 不過兩個都係唔醒水的；今日好彩少少，撞到個above average 咯...
張貼