Caffe Milani (荃新天地) (已結業)

如果想搵間Cafe坐下，淨係飲咖啡就算，千祈唔好叫蛋糕或者其他甜品。叫咗兩杯咖啡，正正常常，冇咩特別。蛋糕就唔掂啦，完全食得出個蛋糕放咗喺個雪櫃好耐都冇人買，一啲都唔新鮮，仲要收得唔平。蛋糕個表面好乾，乾到皺哂皮，入面有個應該係脆嘅餅底已經唔脆，好難食。Gelato 口味選擇唔多，我就揀咗tiramisu同開心果味，兩款都太甜。 Tiramisu 味入面有海綿蛋糕，但咖啡味同酒味都唔突出淨係食到甜味，開心果味就好啲，不過都係太甜。總之，下次想搵間Cafe，我一定唔會再去呢間。