影片
更多
2011-07-18
115 瀏覽
第一次寫食評... 因為真係完全接受唔到同女友星期日睇完 hp7, 揾地方食飯... 行經朗豪坊呢間 italian tomato記得以前都幾難揾位, 見到佢有空位就一枝箭咁衝入去啦...一心急就.... 中伏鳥....叫左個墨魚片明太子意粉同埋牛肉焗飯(加蛋)...唔係 dinner set咁唔叫 set 個價錢貴啲就預左架啦...但係啲質素真係好唔得...個牛肉飯完全唔夠味... 似係打邊爐肥牛加生蛋撈飯... 個意粉... 除左好 creamy 之外完全無味... 啲墨魚片似喺度咬舊膠片咁...ok... 呢兩樣都仲算可以放得入口... 個甜品舊蛋糕先惡頂我女友揀左件蘋果批, 佢話 last 一件... 本來都以為係好賣先賣剩最後一件點知... 完來佢係蘿底橙, 神枱桔, 賣剩蔗....拎到埋位... 拮落去嘅時候... 心知不妙... 舊嘢硬到呢...放入口... 蘋果批面嗰層酥皮已經重新結合成一塊麫粉... 個底嘅餅皮又硬到咬唔開咁滯...即刻攞返去 counter 換... 個 waitress 問我有咩唔妥... 心諗... 你舊嘢擺左喺度幾日賣唔出仲好意思問我有咩唔妥?
同女友星期日睇完 hp7, 揾地方食飯... 行經朗豪坊呢間 italian tomato
記得以前都幾難揾位, 見到佢有空位就一枝箭咁衝入去啦...
一心急就.... 中伏鳥....
叫左個墨魚片明太子意粉同埋牛肉焗飯(加蛋)...唔係 dinner set
咁唔叫 set 個價錢貴啲就預左架啦...
但係啲質素真係好唔得...
個牛肉飯完全唔夠味... 似係打邊爐肥牛加生蛋撈飯...
個意粉... 除左好 creamy 之外完全無味... 啲墨魚片似喺度咬舊膠片咁...
ok... 呢兩樣都仲算可以放得入口... 個甜品舊蛋糕先惡頂
我女友揀左件蘋果批, 佢話 last 一件... 本來都以為係好賣先賣剩最後一件
點知... 完來佢係蘿底橙, 神枱桔, 賣剩蔗....
拎到埋位... 拮落去嘅時候... 心知不妙... 舊嘢硬到呢...
放入口... 蘋果批面嗰層酥皮已經重新結合成一塊麫粉... 個底嘅餅皮又硬到咬唔開咁滯...
即刻攞返去 counter 換... 個 waitress 問我有咩唔妥... 心諗... 你舊嘢擺左喺度幾日賣唔出仲好意思問我有咩唔妥?
ok.... 算... 可能都係咁啱揀左舊唔新鮮嘅啫... 換左舊芝士餅... 諗住呢啲簡單嘢應該都穩陣啦...
點知... 我又一次中伏... 又係硬到無哂朋友嗰隻... 食一啖放低死心兼走人...
講真... 呢度個價錢以一間半自助式餐廳黎講唔算話平... 但係啲食物質素仲差過隔離 food court....
啲蛋糕美x西餅仲新鮮過你...
個性價比真係好差... 唔會有下次!
張貼