貓之眼

營業中

休息中

送完友人番屋企又肚仔餓，友人就推介我食呢間蛋包飯專門店。果日落住雨，去到果時鋪中不太多人，而反正我就係一個人食，更加易搵到位。一坐低，店員好好禮貌放低左杯水同埋點單比我，我睇左一陣就決定左咖哩汁豬肉加和牛漢堡排既蛋包飯。由於即叫即做，我都等左差唔多3個字先有得食！期間上下網好快就上枱了。由於真係幾肚餓，一放上枱影張相即開動了！蛋好滑好有蛋味，而咖哩則是比較不辣那款日式咖哩，但豬肉片幾好食！而漢堡排幾有肉汁，配埋個汁，送飯一流！真係好味到汁到撈埋！不過但好老實講呢個飯成96蚊一個，個人覺得就偏貴，不過味道相當不錯！鐘意食蛋包飯既人可以黎一試！