Asobu Bistro (已結業)

蛋包飯係我每次去日本必食既食物,係香港好難搵到好味既蛋包飯,上網睇過係京都有間神級蛋包飯專門店,個蛋切開係流心既一直好想試,但上次去日本未有時間去京都......睇雜誌見到呢間做類似既嘢,今日下午自己去試下先!呢度個招牌菜係熔岩蛋包飯,我揀咗Asobu自家製手打漢堡熔岩蛋包飯.等咗一陣就到,就咁睇就係煎到欖形既蛋,一切開,蛋汁就好似熔岩咁流開,個畫面係幾有趣既!蕃茄汁底係鮮茄做,酸酸甜甜咁,好有住家味道!漢堡扒都幾大件,牛肉好鬆化,好重肉味,食得出係自家製,一定唔係現成貨色!配佢個蕃茄汁同蛋係非常好的!個飯都炒過,有d雜豆係入面.茄汁同蛋既分量剛剛好夠食一個飯,每一啖都可有汁有蛋,岩晒鍾意撈汁食飯既人!