たまご園 (北角匯) (已結業)

最近去咗喺北角滙新開嘅tamago-EN たまご園 ，佢主打西日式餐🍝，成間餐廳都係用雞蛋來做主題，大部份嘅菜式都有雞蛋成份🥚.既然係雞蛋做主題當然要食玉子燒啦，我哋就叫左五款玉子串燒，五款口味包括番茄仔🍅、海藻醬、親子三文魚🐟、鱈魚子沙律🥗、蟹肉🦀，玉子燒本身味道幾甜，雞蛋都滑，五款唔同嘅口味我自己就最鍾意海藻醬，即係紫菜味，同雞蛋好襯😋.另外仲叫咗個芝士明太子筷子卷🥢，份量比我想像中大好多，真係包住一對木筷子，佢類似係大阪燒咁，入面包住芝士🧀同埋明太子，最給正嘅係面頭嗰一隻荷包蛋🍳，又靚又好食.主食就叫咗燉牛肉蛋包飯🍛，燉牛肉夠淋身，滑蛋煮得好靚，一開始覺得份量好大，但係食下食下唔覺都食晒😆.重點來了，焦糖香桃疏乎厘pancake🥞好有驚喜，比想像中出色🤩，疏乎厘空氣咁十足，軟綿綿嘅口感勁正，呢個疏附厘pancake必試🤤，另外仲叫咗香蕉🍌朱古力🍫自家製芭菲，如果鍾意食cream嘅朋友一定會大滿足