影片
更多
2022-08-26
232 瀏覽
餐廳：Desire Restaurant and Bar (中環)地址：中環蘭桂坊15-16號協興大廈6樓講起蘭桂坊你會諗起咩？Bars and Clubs？喜愛夜蒲？定喺一年一度嘅Halloween Party或者啤酒節🍻？當大部份人都集中喺蘭桂坊呢條呈L型嘅上坡小徑飲杯酒relax嘅時候，就會好易錯過其他遠在天邊近在眼前嘅寶物🎁蘭桂坊協興大廈6樓呢間Desire Restaurant and Bar @desirelkf 同疫情一齊共渡咗大概兩年，一入到餐廳🍴，昏暗嘅環境加上柔和黃光同枱燈，幾有浪漫嘅感覺🥰。佢哋嘅廚師班底仲發揮創意，將唔同西班牙同意大利菜式加入日式元素🇯🇵，打造咗一間好有特色嘅fusion菜餐廳🇪🇸🇮🇹✝️炸西班牙青椒仔配馬爾頓天然海鹽 $78用咗英國超過200年歷史嘅馬爾頓天然海鹽灑喺炸過嘅西班牙青椒仔上面🫑，100%純天然嘅海鹽無加任何添加物，無一般鹽餘韻嘅苦味，加強咗辣椒仔本身嘅鮮香同油香✝️是日精選凍湯 $78呢個西班牙紅菜頭酸忌廉凍湯有別於我哋一般飲嘅熱湯，喺西班牙相當受歡迎👏，酸忌廉同紅菜頭湯形成咗截然不同嘅滋味，酸酸甜甜，加埋少少脆口嘅穀物，口感更加豐富
地址：中環蘭桂坊15-16號協興大廈6樓
講起蘭桂坊你會諗起咩？Bars and Clubs？喜愛夜蒲？定喺一年一度嘅Halloween Party或者啤酒節🍻？當大部份人都集中喺蘭桂坊呢條呈L型嘅上坡小徑飲杯酒relax嘅時候，就會好易錯過其他遠在天邊近在眼前嘅寶物🎁
蘭桂坊協興大廈6樓呢間Desire Restaurant and Bar @desirelkf 同疫情一齊共渡咗大概兩年，一入到餐廳🍴，昏暗嘅環境加上柔和黃光同枱燈，幾有浪漫嘅感覺🥰。
佢哋嘅廚師班底仲發揮創意，將唔同西班牙同意大利菜式加入日式元素🇯🇵，打造咗一間好有特色嘅fusion菜餐廳🇪🇸🇮🇹
✝️炸西班牙青椒仔配馬爾頓天然海鹽 $78
用咗英國超過200年歷史嘅馬爾頓天然海鹽灑喺炸過嘅西班牙青椒仔上面🫑，100%純天然嘅海鹽無加任何添加物，無一般鹽餘韻嘅苦味，加強咗辣椒仔本身嘅鮮香同油香
✝️是日精選凍湯 $78
呢個西班牙紅菜頭酸忌廉凍湯有別於我哋一般飲嘅熱湯，喺西班牙相當受歡迎👏，酸忌廉同紅菜頭湯形成咗截然不同嘅滋味，酸酸甜甜，加埋少少脆口嘅穀物，口感更加豐富，凍湯喺夏天飲一流😋
✝️西伯利亞黑魚子配煙燻酸忌廉多士 配 文佳人 純米吟釀 $308
散叫前者$138，後者$218，以package咁叫平咗$48。
充滿牛油香嘅酥脆多士，吱上厚厚嘅酸忌廉 ，面頭分別放上白鯷魚同三文魚籽，仲有西伯利亞黑魚子，鹹香鮮味十足，配埋飲落先有清爽酸香，後有陣陣果甜味嘅文佳人 純米吟釀清酒🍸，食呢個多士又喺另一番驚喜🎉
✝️精選芝士及凍肉拼盤配酸種麵包 $248
外層用木製、內層有玻璃花紋嘅盤相當精緻，拼盤有精選芝士同凍肉各3款，莎樂美、風乾黑毛豬火腿、Blue cheese、Manchego等等，再配上自己醃製嘅酸瓜同洋蔥🧅。
將凍肉、芝士、醃漬酸瓜/洋蔥放上面頭有粒粒穀物嘅脆口酸種麵包一齊食，味道層次豐富得嚟，芝士嘅膩同凍肉嘅鹹完美咁被醃漬酸瓜/洋蔥中和咗，連埋酒邊飲邊食簡直喺絕配🤩
✝️加泰隆尼亞辣椒鑽石蜆 $228
Off Menu嘅鑽石蜆每一隻都飽滿多汁，一咬就feel到鮮甜蜆汁爆破出嚟🤤，加上餐廳調製過嘅香料辣椒汁🌶️，以酸香味為主，辣味為次，惹味到就咁用麵包蘸啲汁嚟食都已經好好味
✝️白朱古力咖啡奶凍配焦糖拖肥泡沫 $58
以咖啡香為主嘅Panna Cotta，面頭有輕盈Foamy口感嘅焦糖拖肥泡沫，底層喺用白朱古力同咖啡整嘅奶凍，鍾意食甜嘢同咖啡嘅人絕對唔可以錯過，食完真喺甜蜜蜜夠晒Sweet🥰
食完嘢坐喺到飲返杯️洋甘菊茶($58)傾吓計都幾舒服，洋甘菊有抒壓、安眠嘅作用🍵，餐廳仲用咗澳洲其中一個最出名嘅精品茶葉品牌——T2茶葉🌱，佢哋嘅茶葉有相當高嘅品質保證🇦🇺
PS人均消費滿$200仲可以無上限以$8換購時令生蠔，去食嗰日所提供嘅生蠔喺愛爾蘭石蠔🦪，雖然唔算大隻，不過就以佢嘅鮮香加上淡淡海水味為大眾所愛💕，加埋餐廳自己調製嘅紅蔥醋汁，鮮味就更加十足
張貼
