影片
更多
2018-04-28
497 瀏覽
記得求學時期，最鍾意就是以車仔麵作午餐，除了因為價錢較碟頭飯平一截之外，最重要就是淥兩淥就食得，方便快捷。記憶所及，當時嘅車仔麵，配料選擇不多， 不外乎豬皮、魚蛋、蘿蔔等。不過時移世易，近年嘅車仔麵餸料，推陳出新，而且愈趨豪華，當然價格亦翻咗兩番，與茶餐廳套餐相若，幸好食味沒大變化。就好似筆者最近幫襯嘅「蘭桂坊車仔麵」，不但味道可口，而且甚具本地特色。店址位於蘭桂坊 6 號地下，店名直接了當，以蘭桂坊命名，簡單易記。踏進店，地方不大，但門面開揚，以木檯配小圓櫈，筷子用玻璃杯盛載，桌上放有調味醬料，環境乾淨企理。餐牌一張過，分成底面兩頁，湯底有七款可供選擇，包括清湯、咖哩汁、沙嗲汁、辣汁、麻辣汁、鹵水汁及腩汁；配料選擇亦超多，足足有成 37 款。至於麵底方面，除了有大路嘅油麵、幼麵同粗麵外，客人亦可選烏冬、米粉、米線，甚至較少見嘅菠菜麵，加埋兩款油菜同十款小食等，相信絕對可以滿足不同客人的胃口。如果唔想傷腦筋嘅話，其實店子亦另備有三款廚師推介車仔麵可供選擇，包括招牌車仔麵、健康之選及蘭桂坊至尊車仔麵。先嚟嘅蘭桂坊至尊車仔麵 ($78)，賣相勁有霸氣，一碗已經有成九款餸料，包括魚蛋、牛丸、
就好似筆者最近幫襯嘅「蘭桂坊車仔麵」，不但味道可口，而且甚具本地特色。店址位於蘭桂坊 6 號地下，店名直接了當，以蘭桂坊命名，簡單易記。踏進店，地方不大，但門面開揚，以木檯配小圓櫈，筷子用玻璃杯盛載，桌上放有調味醬料，環境乾淨企理。
餐牌一張過，分成底面兩頁，湯底有七款可供選擇，包括清湯、咖哩汁、沙嗲汁、辣汁、麻辣汁、鹵水汁及腩汁；配料選擇亦超多，足足有成 37 款。至於麵底方面，除了有大路嘅油麵、幼麵同粗麵外，客人亦可選烏冬、米粉、米線，甚至較少見嘅菠菜麵，加埋兩款油菜同十款小食等，相信絕對可以滿足不同客人的胃口。如果唔想傷腦筋嘅話，其實店子亦另備有三款廚師推介車仔麵可供選擇，包括招牌車仔麵、健康之選及蘭桂坊至尊車仔麵。
先嚟嘅蘭桂坊至尊車仔麵 ($78)，賣相勁有霸氣，一碗已經有成九款餸料，包括魚蛋、牛丸、牛腩、豬紅、五花腩、蘿蔔、魚皮餃、豬軟骨同生菜，另配上油麵及腩汁。麵條油而不膩，有咬口。魚蛋魚肉味重、極彈牙；魚皮餃餡料滿滿、魚肉鮮甜、餃皮煙韌。牛腩亦值得一讚，肥瘦兼備，而且炆得夠透夠軟腍，入口富油香。豬紅也不俗，滑滑爽爽；蘿蔔清甜，無筋又無渣。五花腩油潤甘香，製作絕不馬虎。
至於另一碗就揀咗自選五餸麵 ($64)，麵底選了菠菜麵，而湯底就揀咗沙嗲汁，餸料有豆卜、豬手、鮮冬菇、響鈴同甜酸齋。先呷一口沙嗲湯底，辣味極輕，絕不嗆喉。翠綠的菠菜麵入口滑溜，有淡淡菜香。豆卜大大件，入口軟綿有彈性。豬手爽滑彈牙，含豐富骨膠原，食落滑不溜口。鮮冬菇原隻上，既大隻又厚身，加上吸盡湯汁，味道超正。響鈴外軟內脆，配上本身嘅豆油香，超好味。甜酸齋酸度適中，味道柔和，帶天然果甜味，既健康又消滯。
既然一場嚟到，當然要試下店裡嘅小食，揀咗四款，包括有椒鹽燒賣 ($20)、炸軟殼蟹 ($36)、特式豬頸肉 ($32) 同炸魚皮 ($22)。燒賣就吃得多，不過椒鹽燒賣真係第一次食，經油淺炸後的魚肉燒賣，酥香脆口，加上配咗椒鹽，吃起來鹹香滋味。軟殼蟹外皮非常薄身，咬下鬆脆，入口毫不油膩。豬頸肉燒至微微焦香，入口爽彈，配上泰式酸辣汁，香口惹味。魚皮即叫即炸，新鮮熱辣，食落脆卜卜，真係無得輸。
店裡的飲品，原價由 $12-$20 不等，不過如果跟麵，就只須 +$9，非常抵飲。點了冰涼清爽、味道天然的清甜柚子茶 (+$9) 同金牌奶茶 (+$9) 作結。講真，從來無諗過喺蘭桂坊可以食到車仔麵，的確係個唔錯的體驗，相信呢間麵店好快會成為中環上班族的新寵。
張貼
