Fang Fang (已結業)

喺蘭桂坊酒吧街上面嘅呢間fusion菜 意想不到咁有驚喜 今日係慶祝週年紀念 佢話帶我嚟蘭桂坊玩 佢一早book咗枱 入面裝修勁靚 好有格調 都有中西合璧嘅感覺 用嚟打卡影相一流 望望餐牌原來係主打色中國菜 但係加入咗西方元素好有趣 咕嚕蝦球 咕嚕肉就聽得多 咕嚕蝦都係第一次食 隻蝦超巨型 而且肉質彈牙 鮮味十足加上新鮮嘅菠蘿 青紅椒 士多啤梨等等嘅生果 甜甜酸酸好夾 煙燻豬肋骨 豬肋骨有三大嚿分量超大 上枱時候用個盒裝住 一打開全部煙燻嘅煙同香氣都湧出嚟 簡直係嗅覺不同視覺嘅享受 到味覺喇 佢個豬肋骨做到好冧 應該係用咗長時間嘅烤焗令到肋骨同埋豬肉可以輕易地分離 肉質軟滑多汁 加上上面薄薄嘅燒烤醬好惹味 口感一流 煙燻嘅香氣更加係令到成味菜昇華到另一個層次 到咗今日我最期待嘅菜式烤鴨 半隻分量已經好大 個皮烤到脆卜卜 油份十足 肉質鮮嫩 廚房仲會將烤鴨片成一片片 食嘅時候可以加上餅皮 韭黃 青瓜同埋烤鴨醬一齊食 可以一減油膩感 咬落去口感十足 清新唔油膩 同時又有鴨油嘅香 冇得彈 最後叫咗個抹茶雪糕 雪糕幼滑 抹茶味突出 為今餐晚餐點上完美句號 埋單九百幾 可以喺中環高級餐廳到食