臺北棧 (荷李活道) (已結業)

聽朋友講過呢一間餐廳好耐，😍除咗佢一間好適合打卡嘅餐廳之外，佢仲係中環Soho區入邊價錢比較相宜嘅一間台灣餐廳。😝今個週末過咗嚟呢邊行街，所以就過咗嚟呢度試吓。🤩呢度環境好OK，一入嚟就見到😂我愛台妹嘅霓虹燈，📸好多打卡位置！雖然店舖唔大，但係座位都幾舒服。😌佢呢度主要賣一啲🍜台灣小食、蛋餅、牛肉麵同甜品。當然亦都唔少得酒！🍻⭐️雙色鹽酥雞🐔雞粒好大粒而且有10粒咁多！兩隻將係黑松露醬同埋柚子醬，我覺得兩隻醬都好好味啊！而且雞粒炸得外脆，入面啲肉好滑。😋⭐️粢飯遇上蛋餅😋留意番佢係冇粢飯嘅！其實佢係用蛋餅包住粢飯入面嘅食材，所以佢食落都好似食緊粢飯咁。上邊佢淋左啲好似甜醬咁嘅汁。⭐️台豐牛肉麵🍜牛肉麵嘅湯底幾好，而有別於其他牛肉麵嘅就係佢嘅配菜，😍佢有蟲草花、糖心蛋、老油條同A菜！蟲草花本來乾身，浸左落去碗湯度就會慢慢變軟，食落好爽口！麵底可以揀拉麵或者刀削麵，我就揀咗刀削麵，正！佢個牛肉都煮得好林！⭐️糖心蛋滷肉飯🍛雖然睇相好似好細碗咁，但實物都幾大碗因為個碗都幾深。