冚棒唥 (昌華商業大廈) (已結業)

因為之前🍔要去佐敦個頭食自助餐，咁啱見到對面有間幾特別嘅餐廳，店外掛住港式味道嘅霓虹餐廳名牌，內裹卻係有啲歐美藝術風嘅設計😍 立刻book mark左，揾左日去試，睇下係咪”冚棒唥”都咁好食先~-黯然銷魂飯堡($108) 作為店內必點item，果然夠哂創新🤩 將個普通嘅叉燒飯變作一個🍔，原有嘅食材都全部保留哂，但味道就更加豐富。飯堡兩邊都有煎到金黃色，飯焦控一定好鐘意🤤 煎蛋如果流心效果做得好啲，有埋蛋汁滲落個飯堡到嘅效果就更加好🍳 叉燒唔係平時嘅港式叉燒，係日式拉麵上面個隻叉燒，加上甜甜嘅醬汁，味道唔錯嘅，就係食得有啲狼狽🤭 63度慢煮温泉蛋卡邦尼意粉($88) 一上枱就聞到陣陣嘅芝士味🧀 温泉蛋煮得啱啱好，意粉蒜味好香，而且除左新鮮煙肉外，仲有啲風乾左嘅🥓，增加左唔少口感。番茄濃湯($18) 🍅味道濃郁，偏酸，好開胃~ 材料都好豐富牛油果乳酪(+$29) 清新之選🥑 唔會過甜，仲會飲到唔少牛油果肉添！但🍔覺得乳酪味可以重啲，稍微欠缺左啲酸味。