去到用餐區，好似置身於一個藝廊，牆上掛著LED屏幕，輪播著梵高嘅作品，餐廳環境同氣氛都配合得好好，喜愛美術嘅朋友相信都會感到美妙。
4 Courses Set Dinner $680 一位。烘熱左嘅餐包配牛油。餐包係十分健康嘅提子乾包同埋穀物包。
前菜係醃製油甘魚配柚子珍珠及血橙醬，油甘魚味道鮮甜。柚子珍珠咬開酸酸甜甜非常開胃。餐湯係龍蝦湯配意大利雲吞。濃蝦味十分濃郁，湯嘅口感細滑，惟味道偏咸。意大利雲吞以龍蝦肉做餡，幾有特色。
主菜一：香煎鱸魚配蜆肉伴日式香菇及魚肉清湯。魚煎得皮脆肉嫩，魚湯清甜。
西班牙豬梅頭配芹菜蓉及青蔥萄葡酒汁。豬梅頭肉質香嫩軟腍，配上青蔥葡萄酒汁鮮味更突出。
甜品係大黃士多啤梨清湯配羅勒果凍及香醋珍珠。雪芭味道酸酸甜甜。羅勒果凍同香醋珍珠味道特別。
最後以藍莓水果茶同埋熱朱古力完美作結。每一款餐具都好靚好想擁有一套。食完之後行精品部先發現呢套咁靚咁吸精嘅茶具盛惠$780一套，真係好矜貴啊！
