影片
更多
2022-10-28
615 瀏覽
星期六係K11 Musea 行街，行到攰攰地想搵個地方坐下，離遠見到一間好靚既cake shop，成間都係粉紅色，裝修得好靚，好有百老匯電影院feel，而佢D cake都好靚，所以就決定係度hea 吓休息吓~間店有好多pastry 同蛋糕選擇，所有款式都整得好靚，花多眼亂同選選困難症之下，好貪心咁揀咗2款卷蛋（芝麻同抹茶）同2款pastry （草莓酥同cranberry scone), 再加多支coffee cold brew 係度嘆吓～ 食完之後覺得好好味，再加上媽咪喜歡卷蛋，所以決定買齊4款口味返屋企同家人開心share😊 。返到屋企Google 下，發現間cake shop 原來大有來頭， 係IG 紅店，而且由網絡變成實體店，可想而知實力非凡，佢出名就係蛋糕味美之餘，仲做到好似藝術品咁靚，我果然好有眼光好識揀😌卷蛋一共有4款口味，海綿蛋糕做得好鬆軟，即使隔日食都仲好鬆軟同moist，入邊既cream 每款都有少少唔同，配合番唔同既卷蛋，媽咪好滿意，叫我下次再去買😂😂🍰抹茶卷蛋抹茶味都好濃郁，入邊個cream 加入紅豆，抹茶紅豆係絕配。🍰柚子檸檬卷蛋柚子好清新，入邊個cream 都
間店有好多pastry 同蛋糕選擇，所有款式都整得好靚，花多眼亂同選選困難症之下，好貪心咁揀咗2款卷蛋（芝麻同抹茶）同2款pastry （草莓酥同cranberry scone), 再加多支coffee cold brew 係度嘆吓～
食完之後覺得好好味，再加上媽咪喜歡卷蛋，所以決定買齊4款口味返屋企同家人開心share😊 。返到屋企Google 下，發現間cake shop 原來大有來頭， 係IG 紅店，而且由網絡變成實體店，可想而知實力非凡，佢出名就係蛋糕味美之餘，仲做到好似藝術品咁靚，我果然好有眼光好識揀😌
卷蛋一共有4款口味，海綿蛋糕做得好鬆軟，即使隔日食都仲好鬆軟同moist，入邊既cream 每款都有少少唔同，配合番唔同既卷蛋，媽咪好滿意，叫我下次再去買😂😂
🍰抹茶卷蛋
抹茶味都好濃郁，入邊個cream 加入紅豆，抹茶紅豆係絕配。
🍰柚子檸檬卷蛋
柚子好清新，入邊個cream 都係柚子，仲有少少檸檬皮。
🍰芝麻卷蛋
芝麻味好香，面頭仲有銀箔，即時grand 咗
🍰伯爵焙茶卷蛋
伯爵焙茶味好濃厚，而且唔甜，啱晒我
🍰法式草莓酥
酥皮香酥，好香牛油叶，草莓酥入邊仲有草莓醬，酸酸甜甜咁，配埋個酥食好夾，而面頭粒士多啤梨意外地係好新鮮鮮甜。
🍰蔓越莓英式鬆餅
面頭金黃色，牛油香，而且鬆化唔會硬，加埋蔓越莓cranberry 提升口感。
張貼
