影片
更多
2023-09-29
54 瀏覽
又到中秋，當然搵個藉口食好啲慶祝一下啦。 提早兩星期預約咗呢間肉料理Carving 既omakase，以高級日本食材為主既法式料理。我哋叫咗個Permium Tasting Menu, 共有8個Course. 另外再叫左2杯清酒。 主要分4個頭盤，3個主菜同1個甜品。 第1個頭盤以大豆為主題嘅一口小食，分別是腐皮雪糕筒配上魚子、牛肉他、豆腐mousse配帆立貝粒粒和銀魚仔、鮑魚魷魚迷你撻配自家腐乳醬，每一款都好有特色，我最鍾意就係豆腐Mousse, 豆味特別香濃，而且口感軟滑，好似食緊豆腐雪糕。第2個頭盤係阿根廷紅蝦配海葡萄水雲， 紅蝦一直都係我最愛，因為蝦味特別鮮甜濃郁，配上酸酸嘅水雲，係一個好開胃嘅前菜。第3個頭盤係慢煮牛舌三味，分別係燈籠椒、秋葵和梅子蕃茄。 牛舌慢煮咗半熟之後再表面輕輕燒過， 牛舌口感軟熟， 配上三款比較刺激嘅口味，味道都可以好夾。第4個頭盤係約克布甸配三文魚子。麵包布甸上面放滿以清酒浸過的鮭魚子，清酒味香濃突出，上面再灑上淡雪鹽點綴，少少鹹味更加襯托出魚子嘅鮮甜。食完四個頭盤就開始享受三款特色主菜。 第1款係我最期待嘅鯛魚立鱗燒，熱油淋上魚肉連魚鱗，魚皮鬆脆香
我哋叫咗個Permium Tasting Menu, 共有8個Course. 另外再叫左2杯清酒。 主要分4個頭盤，3個主菜同1個甜品。
第1個頭盤以大豆為主題嘅一口小食，分別是腐皮雪糕筒配上魚子、牛肉他、豆腐mousse配帆立貝粒粒和銀魚仔、鮑魚魷魚迷你撻配自家腐乳醬，每一款都好有特色，我最鍾意就係豆腐Mousse, 豆味特別香濃，而且口感軟滑，好似食緊豆腐雪糕。
第2個頭盤係阿根廷紅蝦配海葡萄水雲， 紅蝦一直都係我最愛，因為蝦味特別鮮甜濃郁，配上酸酸嘅水雲，係一個好開胃嘅前菜。
第3個頭盤係慢煮牛舌三味，分別係燈籠椒、秋葵和梅子蕃茄。 牛舌慢煮咗半熟之後再表面輕輕燒過， 牛舌口感軟熟， 配上三款比較刺激嘅口味，味道都可以好夾。
第4個頭盤係約克布甸配三文魚子。麵包布甸上面放滿以清酒浸過的鮭魚子，清酒味香濃突出，上面再灑上淡雪鹽點綴，少少鹹味更加襯托出魚子嘅鮮甜。
食完四個頭盤就開始享受三款特色主菜。 第1款係我最期待嘅鯛魚立鱗燒，熱油淋上魚肉連魚鱗，魚皮鬆脆香口，配搭以味噌x自家制蠔醬x蕃茄莎莎，口感清爽。
第二款係牛骨髓配和牛燉肉配月見飯，米飯用上北海道七星米，咪香十足，再搭配少量牛骨髓精華，充滿濃郁牛香。側邊再配上和牛燉肉、蘋果乾和雅枝竹，建議所有嘢撈埋一齊食，口感豐富。
最後一款主菜就係椰子牛西冷， 配上八款蔬菜及漬物。椰子牛味濃郁，肉質軟腍，帶有少少椰子奶香甜味。
尾聲就用Gin酒浸過的baba蛋糕配青瓜乳酪Gelato. 清爽說過中和左酒味既辛口。
整體嚟講佢係一個慶祝特別節日嘅好選擇，而且人均只需要800至900，以omakase黎講算非常抵食。
張貼
