ATUM Desserant (已結業)

聞名已久嘅甜品畫店，今次同幾位朋友到來，當然就要試試Improvisation，即係又大廚即興創作甜品畫作，我地坐在一旁，細心欣賞大師之作。先係黑白灰膠片挑選畫布，選取左白色，可以令甜品畫更為突出。接著，大師攞出一支支畫筆，即係椰子，香芋，桃，朱古力果醬汁料，係畫上揮毫，富藝術感又令人垂涎嘅感覺越黎越重。再加上芒果粉，綠茶粉，菠蘿乾，野莓乾，朱古力脆片點綴，畫作更立體！接著更加添不少甜品配料，莫講話女生至愛，身為男仔都偷食左少少:朱古力布甸軟滑朱古力味香濃; 抹茶mochi感覺煙韌，抹茶味道唔會太苦; 焦糖脆脆感覺脆身，口感相當特別; 芒果黑胡椒奶凍並不常見，微微嘅黑胡椒辣味感覺醒神，芒果果味甚濃！最後加上現場即做嘅朱古力竹炭雪糕，菠蘿雪葩，再加添粉紅色龍鬆糖，視覺上當然攞滿分，尤如騰雲駕霧嘅感覺，而味道上亦令人滿足，朱古力竹炭雪糕味道靠濃厚，感覺豐實; 而菠蘿雪葩味道清新，夏日感覺濃烈，唔會令人有膩口之感！整體感覺相當滿足，中意食甜品嘅必定要一試！