蔡記重慶小食

因為鍾意食辣，所以重慶小食好幾間分店都有幫襯過（葵芳，大圍，觀塘，藍田）
而藍田呢一間分店對我嚟講地點係最方便。

喺第一次幫襯藍田分店嘅時候都覺得好奇怪點解涼皮加配料魚皮$16，返到屋企打開入面只係得三四條魚皮咁少呢？仲以為係姐姐唔記得幫我加。

所以之後再買決定買一盒剩魚皮$52（如圖）
然後🤣我見到姐姐嗰個夾喺度夾空氣入外賣盒度

味道真係好好㗎，但係份量比喺觀塘分店少2/3，而且價錢都比起觀塘分店貴添。

我諗下次都唔會貪方便喺藍田買，寧願行10幾分鐘去觀塘店好d

好好食，可惜藍田分店份量比其他分店少好多。如果唔係貪方便不建議呢一間分店買

$52