Hard Rock Cafe (已結業)

去尖咀買完聖誕節禮物後，想食西餐，近近地過o黎食。有四、五年無o黎過，一打開menu竟然有海南雞飯、喇沙，當然唔會叫啦，o黎呢度當然食大大份美式「大餐」。唔肚餓闗係，而且仲要留肚食甜品，所以只叫得兩款。House salad-是一般的雜菜沙律，但切得太碎，夾起來不太方便。西冷扒士多-份量好大，牛扒要了medium rare，整得過熟，唔夠嫩，又沒有牛肉味，墊底的蒜蓉士多，可惜已腍晒，不脆。反而是配碟的粗身薯條最好食，我同老公食清晒，一條都冇剩。我的主菜甜品要了碎朱古力餅配雪榚，碎朱古力是微暖，配以冰凍的雪榚效果不錯。餅質地鬆化，由於只是有碎朱古力，不是整塊都是朱古力，所以朱古力味道不是太濃。價錢相對其他美式餐廳差不多，不過老公話這裡的啤酒比一般貴。