薯仔屋電影餐廳

營業中

休息中

薯仔屋電影餐廳今日嚟到東區一間西餐廳，個名叫電影餐廳，顧名思義就係位於戲院嘅附近嘅一間餐廳，無論睇戲之前或之後，都一定會約朋友一齊食個飯，今日依間餐廳就啱晒啦。美國安格斯牛肉雙層芝士蘑菇汁漢堡配薯條 $90厚到十足嘅漢堡包，厚身嘅安格斯牛肉漢堡肉，多汁牛味重，當中再配上雙層嘅熱熔芝士同埋香濃嘅蘑菇汁，仲有新鮮嘅生菜同埋蕃茄片。另外薯條都非常有特色，頂層有熱熔芝士，底層有濃郁嘅牛肉汁。美式香蔥煙肉焗薯配是日沙律 $52超級大嘅焗薯，頂部有香口香脆嘅香蔥煙肉，仲有超級邪惡嘅熱熔芝士同埋忌廉芝士，配上綿綿嘅焗薯一齊食，非常夾。另外沙律醬非常新鮮。